«Сөз тәмам»: Лукашенко елдегі әскери дайындық туралы айтты

Беларусь президенті Александр Лукашенко Беларусь Қарулы Күштерінің әрекеті туралы сұраққа жауап берді.

– Бейбітшілікті қаласаң – соғысқа дайындал. Бұл тәмсілді мен ойлап тапқан жоқпын. Осылайша, мен Беларусь Қарулы Күштерінің әрекеті мен Беларусь, Ресей Қарулы күштерінің бірлескен әрекеті туралы қауесеттерге жауап бергім келеді, – деді Лукашенко.

Сондай-ақ Лукашенко Беларусь пен Ресей арасында одақтас мемлекетке төнген қауіп-қатерлерге бірлесіп әрекет ету үшін қарулы күштер тобы құрылғанын еске салды.

– Біз түрлі жаттығулар өткіземіз. Қазіргі жағдай мен қауіп-қатерге байланысты жаттығулардың маңызы зор. Сондықтан біз өз аумағымызда жаттығулар өткіземіз. Қарулы Күштердің бірлескен тобын да, қарулы күштерімізді де қажет деп санайтын жерге көшіреміз. Осымен сөз тәмам. Басқа ниетіміз жоқ, – деді Беларусь президенті.