Бишімбаевтың анасы бұрынғы келінінен 25 млн теңге өндіріп алмақ

Назым Қаһарман бұрынғы енесі оны сотқа беріп, 25 миллион теңгеге жуық қаражат талап етіп отырғанын мәлімдеді. Бұл  соңғы екі жылда Бишімбаевтар отбасынан түскен төртінші шағым, деп хабарлайды Orda.kz.

Дау Назым кезінде басқарған фитнес-клубқа қатысты туындаған. Ғимарат Қуандық Бишімбаевтың анасы Альмира Нұрлыбекованың атында болған, ал Назым оны сенімгерлік басқару келісімшартымен жүргізген.

Назымның сөзінше, арада біраз жыл өткеннен кейін бұрынғы енесі сол кездегі бизнестен ақша талап етуде. Оның сөзінше, Бишімбаевтар отбасы ажырасуға да, немерелерінің олармен араласқысы келмейтініне де тек Назымды кінәлі санайды.

Блогердің айтуынша, бұрынғы жұбайының отбасы оны болған барлық жағдайға кінәлі санайды.

«Олардың ойынша, болған қайғылы жағдайдың бәріне мен кінәлімін. Күйеуіммен ажырасқаным үшін де, өз пікірімді айтқаным үшін де, балалардың олармен араласқысы келмейтіні үшін де. Жалпы, олардың әлемінде болып жатқанның бәріне мен жауапты сияқтымын», – дейді ол. 

Бұған жауап ретінде Назым толық төленбеген алиментті өндіру үшін өзі де сотқа шағымдануға ниетті.

Еске салайық, экс-министр Қуандық Бишімбаев Салтанат Нүкенованы өлтіргені үшін 24 жылға сотталып, жазасын өтеп жатыр.

Оқи отырыңыз:

• Еліміздің мектептерінде жасанды интеллект қалай оқытылады?
• Медициналық сақтандыру бойынша 4,5 млрд теңгеге қатысты заңбұзушылық сотқа жолданды