Екі миллиард теңге несие алаяқтығы: ҰҚТ-ның 20-дан астам мүшесі сотталды

Ақмола облысында сот шамамен екі миллиард теңгеге заңсыз несие рәсімдеген ұйымдасқан қылмыстық топтың 21 мүшесіне үкім шығарды. Бұл туралы облыстық прокуратураға сілтеме жасап Orda.kz хабарлайды.

Баспасөз қызметінің мәліметінше, тергеу барысында айыпталушылар азаматтардың жеке деректерін пайдаланып, оларды алдау арқылы екінші деңгейлі банктер мен микрокаржы ұйымдарында несие рәсімдегені анықталған.

«Сот 21 айыпталушының барлығын аса ірі көлемдегі алаяқтық жасағаны үшін кінәлі деп таныды. Оларға 5 жылдан 10 жылға дейін бас бостандығынан айыру жазасы тағайындалды. Сонымен қатар, сот қылмыстық жолмен табылған қаражатқа сатып алынған мүліктерді тәркіледі»,  деп хабарлады прокуратура. 

Бұдан бөлек, мемлекет кірісіне Алматы қаласындағы бірнеше пәтер мен Lexus LX 570, Toyota Land Cruiser 200, Toyota Camry және басқа да көліктер тәркіленді.

Үкім әзірге заңды күшіне енген жоқ.

Еске сала кетейік, бұған дейін жылдар бойы әйелдерді алдап жүрген азаматтың әрекеті әшкере болды. Orda.kz редакциясына Тамара, Надежда және Нұржамал атты үш қыз келді. Үшеуін де бір адам үптеп кеткен, олар  «Исхаров бізбен танысты, қарым-қатынас, неке, бірлескен бизнес уәде етіп, сосын сан соқтырып, ақшаны алып тайып тұрды» дегенін мына жерден оқыңыз.

Оқи отырыңыз:

• 348 адамға несие алдыртқан: 3,7 млрд шығын келтірген алаяқ банк қызметкерлері ұсталды
• «Инвестор келіндер»: Алматыда қол жетпес алаяқ «күйеу жігітке» үкім шықты
• Зейнеткерлерді миллиондаған несиеге «шырылдатқан» пошташы ұсталды