Сирия Қазақстанға гуманитарлық көмек көрсеткені үшін алғыс айтты

Сирия президенті Башар Асад мемлекет басшысы Қасым-Жомарт Тоқаевқа Қазақстаннан гуманитарлық көмек көрсеткені үшін алғыс айтты, деп хабарлайды Ақорданың баспасөз қызметі.

«Сирия президенті Башар Асад Қазақстан көрсеткен гуманитарлық көмек үшін Қасым-Жомарт Тоқаевқа алғысын білдірді» делінген хабарламада.

Сирия президенті Башар Асад мемлекет басшысы Қасым-Жомарт Тоқаевқа жеделхат жолдап, онда 2023 жылғы ақпанда болған жойқын жер сілкінісінен зардап шеккен Сирия халқына көрсетілген гуманитарлық көмек үшін алғысын білдірді.

«Сирия халқы жоғары адами және адамгершілік сезімін танытып, қиын жағдайда қолдау көрсетуге бастама көтерген Қазақстанның ұстанымын жоғары бағалайды» делінген жеделхатта.