Шымкент полициясын Қазақстанның бұрынғы бас криминалисті басқаратын болды

Ішкі істер министрі Марат Ахметжанов полиция генерал-майоры, 56 жастағы Думан Таевты Шымкент қалалық полиция департаментінің басшысы етіп тағайындады.

Бұл туралы Orda.kz хабарлайды.

Бұған дейін бұл қызметті атқарған Қайрат Дәлбеков енді Қылмыстық атқару жүйесі комитетінде жұмыс істейтін болады.

Белгілі болғандай, Думан Таев 2019-2020 жылдар аралығында Солтүстік Қазақстан облысы полиция департаменті бастығының бірінші орынбасары қызметін атқарған. Кейінгі екі жыл бойы ол Ішкі істер министрлігінің криминалдық полиция басқармасын басқарды. 2022 жылы Таев Ақмола облысы ішкі істер департаменті бастығының міндетін атқарушы болып тағайындалды, ол 2023 жылдың көктемінде бөлімді басқарған болатын.