ІІМ бала күнінде продюсерден зорлық көрдім деген жігіттің мәлімдемесіне қатысты тексеріс бастады

Қазақстандық азамат продюсерді зорлады деп айыптады. Осы оқиаға қатысты полицияның тексеріс жүргізіп жатқаны белгілі болды. Қазіргі уақытта арызданушы Қытайда, деп хабарлайды Orda.kz.       

Қазақстан ішкі істер министрінің орынбасары Санжар Әділовтің мәліметінше, қазақстандық продюсерге қатысты зорлау туралы арыз бойынша полиция тексеріс жүргізуді бастады.

Қазақстандық Нұрғали Нұғман бұған дейін Instagram желісінде видеоүндеу жариялаған. Оның айтуынша, бала кезінде ол балалар жобасының продюсері болған туысынан зорлық көрген.

Полиция тексерісті бастап кеткен.

«Кеше бұқаралық ақпарат құралдарында жарияланған ақпараттан кейін біз жедел әрекет еттік. Алматы қалалық полиция департаментінің баспасөз қызметі түсініктеме берді. Құқықтық баға тергеу барысында беріледі. Тергеу басталды, барлық деректер тексеріледі. Қазіргі уақытта арызданушы Қазақстаннан тыс жерде – Қытайда», – деді Әділов мәжіліс дәлізінде. 

Арыз жазған азамат Қазақстанға оралғаннан кейін полиция тергеу әрекеттерін жалғастыратынын мәлімдеді.

Оқи отырыңыз:

• Нұра ауылында пышақталып қаза болған марқұмның туыстары өз шындығын айтты
• Трамптың ұлдарына қатысты Қазақстандағы жобаға Пентагон тағы 400 миллион доллар бөлмекші
• ОСК: Саясаткерлер мен партияларды жасырын жарнамалаған блогерге айыппұл салынады