Трамп Си Цзиньпинмен кездесу үшін Бейжіңге келді

Трамп Қытайға соңғы 9 жылда алғаш рет Бейжіңге өзінің Air Force One ұшағымен ұшып келді, деп хабарлайды Orda.kz.       

Онымен бірге сапарға ірі корпорациялардың басшылары:  Nvidia басшысы Дженсен Хуан, Илон Маск, Тим Кук (Apple), Ларри Финк (BlackRock), Стивен Шварцман (Blackstone), Boeing басшысы Келли Ортберг, Брайан Сайкс (Cargill), Джейн Фрейзер (Citi), Ларри Калп (GE Aerospace), Дэвид Соломон (Goldman Sachs), Санджай Мехротра (Micron) және Криштиану Амон (Qualcomm) да келді.

Трамптың Си Цзиньпинмен кездесуі ертеңге жоспарланған. 

«Мен біздің ұлы елдерімізге бұдан да көп пайда әкелетін идеяны бұрын-соңды естіген емеспін», деп мәлімдеген еді бұған дейін Трамп.

Америка Құрама Штаттарының президенті Дональд Трамп ҚХР төрағасы Си Цзиньпинмен өтетін саммитке қатысу үшін Қытайға аттанды. Күтілгендей, олар сауда-экономикалық мәселелерді, сондай-ақ Тайвань мен Ирандағы қақтығысты талқылайды.

Жоспар бойынша, Трамп Бейжіңге сәрсенбі күні кешке келіп, жұмаға дейін Қытайда болады. Оның бұған дейінгі Қытайға сапары 2017 жылы, алғашқы президенттік мерзімі кезінде болған еді.

АҚШ пен Қытай басшылары бейсенбі күні таңертең кездесуі тиіс. Бұл — олардың өткен жылдың қазан айынан бергі алғашқы бетпе-бет келіссөзі. Ол кезде кездесу Оңтүстік Кореяда Азия-Тынық мұхиты экономикалық ынтымақтастығы форумының аясында өткен.

Келіссөздерден кейін Трамп пен Си ЮНЕСКО-ның Бүкіләлемдік мұралар тізіміне енген Аспан храмына барып, кешке мемлекеттік банкетке қатысады. Жұма күні Трамп Қытайдан аттанар алдында, олар жұмыс түскі асы форматында тағы да келіссөз жүргізеді.

Келіссөздердің негізгі тақырыптарының бірі Тайвань болады деп күтілуде. Бейжің Трамптан Тайваньды бақылауға көмектесетін мәлімдемелер күтеді деген болжам бар. Ал Вашингтон өз саясаты өзгермейтінін мәлімдеп отыр.

Сонымен қатар, АҚШ-тың Қытайды тежеу әлеуетіне қатысты алаңдаушылық артып келеді, әсіресе Ирандағы қақтығыс кезінде америкалық қару-жарақ қорының жұмсалуына байланысты.

Вашингтонда орналасқан Стратегиялық және халықаралық зерттеулер орталығының бағалауынша, Ирандағы қақтығыстың алғашқы апталарында АҚШ қарулы күштері THAAD зымырандарының шамамен 80%-ын және Patriot тосқауылдаушы зымырандарының 60%-ына дейін пайдаланған болуы мүмкін.

Оқи отырыңыз:

• Трамптың ұлдарына қатысты Қазақстандағы жобаға Пентагон тағы 400 миллион доллар бөлмекші
• Иран келіссөздерді қайта бастау үшін АҚШ-қа бес талап қойды
• Терроризмге күдікті төрт адам шетелден Қазақстанға жеткізілді