ОСК: Саясаткерлер мен партияларды жасырын жарнамалаған блогерге айыппұл салынады

Қазақстанда саясаткерлер мен партияларды жасырын жарнамалаға блогерлерге айыппұл салу жоспарланып отыр. Орталық сайлау комиссиясы блогерлер кандидатпен немесе партиямен ресми келісімшартсыз және ақысыз болса да «жасырын үгіт» үшін жауапкершілікке тартылуы мүмкін екенін мәлімдеді, деп хабарлайды Orda.kz.       

Бұл мәселені депутат Никита Шаталов сайлау заңнамасына енгізілетін түзетулерді талқылау кезінде көтерді. Ол мысал ретінде үлкен аудиториясы бар блогер туралы айтып, блогер партия символикасы бар киім киіп, кандидатты ашық қолдайды, бірақ ақша алмайды және ешқандай келісім жасамайды деді.

ОСК хатшысы Шавкат Өтемісовтің айтуынша, заң бойынша үгітке қатысу кандидаттың немесе партияның жазбаша келісімімен жүзеге асуы тиіс.

Сондай-ақ, егер блогер бұрын келісімшарт негізінде бір кандидатқа немесе партияға өз алаңын ұсынған болса, онда ол басқа кандидаттар мен партияларға да сондай мүмкіндік беруге міндетті.

Ал егер жарияланымдар ақысыз және ресми келісімдерсіз жасалса, мұндай міндет жүктелмейді.

Оқи отырыңыз:

• Ерлі-зайыпты блогер Жанәбілевтерге сот үкімі шықты
• Блогер Қайсар Қамза қамауға алынғаны туралы ақпараттан кейін Вьетнамнан видео жариялады
• Қостанайда блогер қатысқан төбелес: Полиция қылмыстық іс қозғады