Шерзаттың отбасы ашық сот өткізуді талап етті

Талғарда «Қамажай» дүкекеніндегі жанжалдан соң 16 жасар Шерзат Болат бұзақылардың қолынан қаза болды. Оның ата-анасы енді іс бұрмаланып кетеді деп алаңдап, ашық сот өткізуді талап етіп жатыр, деп хабарлайды Orda.kz. 

Олардың бейнежазбасын блогер Жан Ахмадиев жариялады. Бейнежазбада марқұмның туыстары Қасым-Жомарт Тоқаевқа үндеу жолдайды.

«Ешқашан да ешқандай жауыз соғыс кезінде болса да, анасының алдында баласын өлтірмеген. Абзал деген жауыз шімірікпей отыр. Өзінің кінәсін мойындаса, құдайдың жөні ғой. Ешқандай өкіну жоқ», — деді Шерзаттың апаларының бірі.

Тағы бір апасы күдіктілердің бірінің бұрын жазадан сытылып кеткені жайлы айтты.

«Нұрқияс деген бала менің баламды өлтіргенге дейін де 7-8 рет іс қозғалып, 3 адамды жарымжан еткен. Сол істердің бәрінің жабылып кеткенінен мен қорқамыр. Осы сот ашық болмаса, Нұрқияс бар, Абзал бар, сол 13 адамның бәрі жазадан құтылып кете ме деп...», — деді Шерзаттың апасы. 

Оның әпкесі де ашық сот өткізуді талап етті. Әпкелері куәгер деген марқұмның жақындары, ал оқиға орнында болған 2 қыз куәгер емес дегенді алға тартты.

«Ешкім жазасыз қалмасын. Куәгер деп айтылған қыздар да жазасын алсын. 13 адамның бәрі жазалансын. Жабық сот болатын болса, бұрмаланып кететініне 100% сенімдімін. Қорқатынымыз да, қамығатынымыз да осы. Қасым-Жомарт Тоқаев, жаңа Қазақстан зайырлы мемлекет болатынына тағы да бір үміт беретін ашық сот болса екен», — деді марқұмның әпкесі. 

Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасымен жанжалдасып, арты кісі өліміне ұласты. 16 жасар Шерзат Полат қаза болды.

Талғарда 4 қазан күні бір топ адам келіп дүкен иесі Қаржаубай Нұрымов, ұлы Шерзат Полат және ағасымен жанжалдасып, арты кісі өліміне ұласты. 16 жасар Шерзат Полат қаза болды.

Марқұмның туыстары оқиғаға Хасан мен оның тобының қатысы бар деп мәлімдеп, Талғар әкімдігі алдында митинг өткізген болатын.

Бұдан кейін марқұмның отбасының үйін қасақана өртеп кетті.

Еске сала кетейік, Хасан Қасымбаевтың інісі Ержан Қасымбаев 2017 жылдан бері кеденші Медет Жамашевті өлтіргені үшін түрмеде отыр. Ал Шерзаттың өлімінен кейін, 15 қазанда Талғар ауданы әкімі аппаратының басшысы болып отырған Аслан Қасымбаев қызметінен босатылды.

Аслан Қасымбаевтың Талғар ауданы әкімі аппаратының басшысы болып отырғанына екі жылдан асқан. Оған дейін ол Талғар ауданының Белбұлақ ауылдық округінің әкімі болып жұмыс істеген. 

Дәл осы күні15 қазан Талғар қаласының әкімі Бақыт Күрішбеков пен оның орынбасары Сағындық Матан қызметінен босатылғаны белгілі болды.

Бұған дейін ІІМ мәлімдемесінде «хуторлықтар» жайлы сөзді жоққа шығарып, елімізде ешқандай қылмыстық топ жоқ екенін айтқан еді. Тергеу ісі жайлы толығырақ мына сілтемеден оқыңыз. 

Шерзаттың үйі өртенген түні болған бар оқиғаны мына сілтемеден оқыңыз. 

Еске сала кетейік, бұл шудан соң күдікті ретінде кейінірек ұсталғандардың бірінің анасы Қазакенова Лейла бейнеүндеу жасап, баласының оқиға орнында болмағанын айтты. Оның айтуынша БАҚ-та тараған 13 адам деген сөзге бола, адам санын толтыру үшін оның баласы мен досын ұстап әкеткен.

Еске сала кетсек, Хасан Қасымбаев Orda.kz тілшісіне сұхбат беріп, өзінің ешқандай қылмыстық ұйымға қатысы жоқ екенін айтқан болатын. Оны 4 қарашада 2021 жылғы ісі үшін полиция ұстады.