Ләззат Танысбай «Хабар» агенттігінің басқарма төрағасы болып тағайындалды

Ләззат Танысбай «Хабар» агенттігі» АҚ басқарма төрағасы қызметіне тағайындалды, деп хабарлайды Orda.kz.

Ләззат Танысбайдың телевизия және медиа саласындағы еңбек өтілі 30 жылдан асады. Әр жылдары ол «Астана» телеарнасын, «НҰР-Медиа» медиахолдингін, «Қазақстан» РТРК» АҚ мен «Евразия» телеарнасын басқарды. Сондай-ақ Қазақстан Республикасының Байланыс және ақпарат вице-министрі қызметін атқарды.

Жаңа қызметінде оның кәсіби және басқарушылық тәжірибесі «Хабар» агенттігін одан әрі дамытуға бағытталмақ.

Танысбайға агенттіктің қалыптасқан әлеуетін сақтай отырып, негізгі қызмет бағыттарын кезең-кезеңімен жаңғырту, сондай-ақ «24KZ» телеарнасының елдегі жетекші қоғамдық-саяси арна ретіндегі рөлін күшейту міндеті қойылды.

Бұған дейін «Хабар» агенттігін басқарған Кемелбек Ойшыбаев қызметінен босатылды.

Оқи отырыңыз:

Бектенов премьер-министр болып қайта тағайындалғаннан кейін Құрылтайда ант берді

Олжас Бектенов ҚР премьер-министрі қызметіне ұсынылды