Аризонадағы Үлкен шатқалда су тасқынынан кейін 20 адам хабар-ошарсыз кетті

АҚШ-тың Аризона штатындағы Үлкен шатқалда (Grand Canyon) нөсер жауыннан кейін болған су тасқынынан 20 адам хабар-ошарсыз кеткен, деп хабарлайды Orda.kz.

Қатты жауын-шашын салдарынан шатқал аумағында су деңгейі күрт көтерілген. Су ағыны жаяу жүргіншілерге арналған көпірлерді қиратып, бірнеше соқпақты шайып кеткен. Соңғы тәулікте бұл аумақта 25 миллиметр жауын-шашын түскен.

Ұлттық парк қызметкерлері қауіпсіздік мақсатында 62 адамды эвакуациялаған. Құтқару жұмыстары жалғасып жатыр.

Алдын ала мәлімет бойынша, табиғи апат салдарынан бір адам қаза болған. Қазір хабар-ошарсыз кеткен адамдарды іздеу жұмыстары жүргізілуде.

Үлкен шатқал аумағында ауа райының қолайсыздығына байланысты жағдайды бақылау жалғасып жатыр.

Оқи отырыңыз:

3600 метр биіктікте адасқан үш турист құтқарылды

Мемлекеттік қызметшілер 2027 жылдан бастап жеке мүдделері туралы декларация тапсырады