Кипр маңында 267 адам мінген кеме аударылып, жеті адам қаза тапты

30 тамызда Солтүстік Кипр жағалауына жақын теңізде 259 жолаушы мен сегіз экипаж мүшесі болған кеме аударылып қалды. Апат салдарынан кемінде жеті адам қаза тауып, бірнеше адам жарақат алған, деп хабарлайды Orda.kz.

Халықаралық қауымдастық мойындамайтын Солтүстік Кипрдің премьер-министрі Онал Үстелдің айтуынша, Filo Jet паромы жергілікті уақытпен түсте Кирения портынан шыққан. Кеме келесі күні Түркияға аттануы тиіс болған. Алайда ауа райының қолайсыздығына байланысты сапар кейінге шегерілген.

Порттан шамамен төрт теңіз милі қашықтаған кезде қатты толқынның салдарынан кеме аударылып кеткен.

Кирения қаласының мэрі Мұрат Шенқұлдың мәліметінше, кемеден 159 адам эвакуацияланған. Ол жағдайды «өте ауыр» деп сипаттады.

Зардап шеккендер ауруханаларға жеткізілді. Қазір оқиғаның мән-жайы анықталып, құтқару жұмыстары жүргізілуде.

Оқи отырыңыз:

АҚШ пен Иран соққы алмасты: Не болды?

Түрмеде отырған Мадуро қатты арықтап кеткен: Трамп Венесуэла мұнайын бөліске салып жатыр