Енді депутаттарға сауал тек баспасөз орталығында қойылуы мүмкін

Қазақстанда журналистердің депутаттарға сауал қою форматы өзгеруі мүмкін. Енді депутаттардан сұхбат пен пікірді тек баспасөз орталығында алу қарастырылып жатыр, деп хабарлайды Orda.kz.

Бұл туралы Құрылтай аппараты басшысының орынбасары Болат Кальянбеков мәлімдеді.

Оның айтуынша, бұқаралық ақпарат құралдарының өкілдерімен жұмыс істеудің жаңа форматы әзірленіп жатыр.

Бұған дейін журналистер Құрылтай отырыстары кезінде кулуарда депутаттарды тоқтатып, түрлі мәселелер бойынша сұрақ қоя алатын. Жаңа тәртіп енгізілсе, мұндай мүмкіндік шектелуі мүмкін.

Қазір жаңа форматтың нақты қалай жүзеге асатыны әзірге белгісіз.

Оқи отырыңыз: 

Бектенов премьер-министр болып қайта тағайындалғаннан кейін Құрылтайда ант берді

Иран президенті ШЫҰ саммитіне қатысу үшін Қырғызстанға ұшып кетті