Қазақстандықтар бір айда шетелге 100 млрд теңгеден астам қаржы аударды

Қазақстандықтар бір айда шетелге 100 млрд теңгеден астам қаржы аударды. Оның ішінде Түркия көш бастап тұр. Бұл елге трансферттер өзінің тарихи шегіне жетті.

Бір айдың ішінде қазақстандықтар ақша аудару жүйесі арқылы түрлі елдерге 103,2 млрд теңге жіберген. Бұл бір ай бұрынғыдан 25,3 млрд теңгеге немесе 35%-ға артық.

Қазақстаннан Түркияға трансферттер көбейіп барады. Жыл басынан бергі 8 айда онда 163,1 млрд теңге түсті, бұл өткен жылмен салыстырғанда 30 пайызға дерлік артық. Ал тамыз айында бұл рекордтық көрсеткішке жетіп, 27 млрд теңгеден асты. Бұл шілде айымен салыстырғанда бір жарым есе және 2021 жылдың тамызымен салыстырғанда 50 пайызға дерлік артық.

Тәжікстанға аударымдардың тарихи шегі де жаңартылды, бірақ онд кеткен қаржы әлдеқайда аздау – айына шамамен 2,6 млрд теңге. Биылғы жылдың басынан бері бұл елге 11 млрд теңгеден кем түскенін ескерейік.

Рекордтық қаржы Өзбекстанға да кетіп жатыр. Тамызда Қазақстаннан 38,1 млрд теңге аударылса, 2021 жылдың тамыз айында ғана 39,7 млрд теңге аударылған.