Қостанайда енесі мен келіні жанжалдасты: Іске полиция араласты

Қостанайда 57 жастағы әйел мен оның 24 жастағы келіні арасында отбасылық жанжал болып, полицияға хабарлама түсті. Оқиға 22 тамызда болған, деп хабарлайды Orda.kz.

Полицияның мәліметінше, жанжал кезінде үйдің терезесін үй иесінің қызы сындырған. Дене жарақатын келтіру фактісі бойынша екі әйелге де қатысты қылмыстық іс қозғалды.

«Жанжалға қатысушылардың әрқайсысының әрекеттеріне құқықтық баға беріледі»,  деп хабарлады полиция.

Қазір екі әйелге де бір-бірімен байланысуға және жақындауға тыйым салатын қорғау нұсқамалары шығарылған. Тергеу жалғасып жатыр.

Оқиғадан кейін зорлық-зомбылықтан зардап шеккен әйелдерге көмек көрсететін орталыққа келіншек жүгінген. Орталық өкілдерінің айтуынша, әйел көмек сұрап, қайын әпкелері бірнеше рет ұрып-соққанын айтқан.

Әйелдің сөзінше, бұған дейін де зорлық-зомбылыққа байланысты полицияға хабарласып, арыз жазған. Алайда оның айтуынша, сол кезде полиция қызметкерлері келмеген және арызы қабылданбаған.

Бұл жолғы жанжалдың себебі жуылған киімге қатысты болған. Келіншектің айтуынша, ол киімдерін үйінің алдына жайып қойған. Осыдан кейін қайын әпкелері келіп, үйінің терезесін сындырған және жанжал шығарған.

Оқиғаға байланысты әйел бүгін полицияға арыз берген. Қазір полиция жанжалға қатысушылардың әрекетіне құқықтық баға беріп жатыр. Тергеу нәтижесінде оқиғаның барлық мән-жайы анықталады.

Оқи отырыңыз:

• Жаһандық жылыну: Дүниежүзілік мұхит температурасы 50 жыл бұрынғы рекордтан асып кетті
• ЕҚЫҰ Қазақстандағы сайлауды бақылаудың алғашқы қорытындысын жариялады