«Сұңқар» трамплиндері ісі: Алматы соты Ерлан Сариевті ақтады

«Сұңқар» халықаралық шаңғы трамплиндері кешенінің құрылысы кезінде қаражат жымқыру ісі бойынша Ерлан Сариевті судья Құралай Дарханова оған тағылған барлық айып бойынша кінәсіз деп таныды, деп хабарлайды Orda.kz.

Алматының Алмалы аудандық сотында қаралған бұл істе Ерлан Сариевке ҚР Қылмыстық кодексінің 189-бабы («Сеніп тапсырылған бөтен мүлікті иемдену немесе ысырап ету») және 190-бабы («Алаяқтық») бойынша айып тағылған еді. Бүгін өткен сот отырысында судья Құралай Дарханова Сариевті барлық айып бойынша кінәсіз деп танып, ақтау үкімін шығарды.

Бұған дейін сот үкімін жариялау бірнеше рет кейінге қалдырылған болатын. Сотталушы соңғы сөзінде өз кінәсін мойындамай, екі есепшіні қосымша жауап алуға шақыруды сұраған.

Жәбірленушілердің бірі Абдуразақ Байболатовтың айтуынша, сот процесі шамамен екі айға созылған. Ал «Сұңқар» кешеніндегі трамплиндердің құрылысы 2015 жылы аяқталған. Сот үкімі заңды күшіне енген жоқ.

Бұған дейін, «Сұңқар» халықаралық шаңғы трамплиндерінің ісіне қатысты Orda.kz сайтында толыққанды материал шыққан еді.

Оқи отырыңыз:

• «Сұңқар» шаңғы трамплині: 10 жылдан асса да жұмысшылар неліктен жалақысын сол күйі алмай кетті?
• Атырау облысында ер адам жүкті әйелін аяусыз соққыға жыққан