ОСК қорытындысы: Ең көп мандатты «Әділет» партиясы иеленді

Орталық сайлау комиссиясы Қазақстан Республикасы Құрылтайына депутаттарды сайлау бойынша дауыс беру қорытындыларын берді, деп хабарлайды  Orda.kz.       

Бұған дейін сарапшылардың берген цифрлары еш өзгермеді. «Әділет» партиясы– жеңімпаз. ОСК Құрылтай сайлауының қорытындысын жариялады.

Қазақстанның Орталық сайлау комиссиясы 23 тамызда өткен Құрылтай депутаттарының сайлау қорытындысын жариялады. Жаңа бір палаталы парламентке бес саяси партия өтті. Ең көп мандатты «Әділет» партиясы иеленді.

Құрылтайдағы 145 депутаттық мандат партиялар арасында мынадай тәртіппен бөлінді:

• «Әділет» партиясы – 110 мандат;
• «Ауыл» партиясы – 10 мандат;
• Respublica – 9 мандат;
• «Ақ жол» демократиялық партиясы – 8 мандат;
• Жалпыұлттық социал-демократиялық партия (ЖСДП) – 8 мандат.

Сайлаушылардың 2,51 пайызы «барлығына қарсы» деген таңдау жасаған.

Ал «Байтақ» жасылдар партиясы мен Қазақстанның халық партиясы бес пайыздық межеден өте алмады. Бұған дейін жарияланған нәтижелер бойынша «Байтақ» 1,07 пайыз, ал Қазақстанның халық партиясы 3,11 пайыз дауыс жинаған.

Осылайша, сайлауға қатысқан жеті партияның бесеуі жаңа Құрылтайдан орын алды. Ал «Әділет» партиясы 71,17 пайыз дауыс жинап, айқын басымдықпен жеңіске жетті.

ОСК мәліметінше, сайлаушылардың жалпы саны 12 623 289 адам болды. Оның 9 351 539-ы дауыс беруге қатысқан, яғни сайлаушылардың қатысу көрсеткіші 74,08 пайыз болды.

ОСК жариялаған ресми қорытындыға сәйкес, алдын ала сауалнамаларда көрсетілген партиялардың орналасу тәртібі де негізінен өзгерген жоқ: «Әділет» көш бастады, одан кейін «Ауыл», Respublica, «Ақ жол» және ЖСДП орналасты.

Оқи отырыңыз:

• Exit poll нәтижесі жарияланды: Құрылтайға қанша партия өтті?
• «Қалқаман» метро станциясы қашан ашылатыны белгілі болды
• Тоқаев: Вице-президент баршаңыз жақсы білетін танымал адам болады