Президент сайлауына қатысатын тағы бір үміткер анықталды

Мейрам Қажыкен «Аманат кәсіподақтар достастығынан» кезектен тыс президент сайлауына кандидат болып ұсынылды.

Мейрам Қажыкенді президенттікке кандидат етіп ұсыну туралы шешім кәсіподақтар Достастығының орталық және атқарушы комитеттерінің бірлескен отырысында қабылданды.

Мейрам Қажыкен «Астана» халықаралық ғылыми кешенінің экономикалық зерттеулер институтын басқарады.

2015 жылдың қаңтар айында қазіргі заманғы қоғамды зерттеу институтының директоры болып тағайындалды.

2015 жылдың маусымынан 2018 жылдың тамызына дейін Қазақстан Кәсіподақтар федерациясының жанжалдарды зерттеу мен шешуді оқыту орталығының директоры болды.