«Назарбаев Зияткерлік мектептерінің» басқарма төрағасы тағайындалды

«Болашақ» халықаралық бағдарламалар орталығының бұрынғы басшысы Әнуар Жанғозин «Назарбаев Зияткерлік мектептерінің» ДББҰ басқарма төрағасы болып тағайындалды.

«Бүгін «Назарбаев Зияткерлік мектептері» ДББҰ қамқоршылық кеңесінің шешімімен басқарма төрағасы лауазымына тағайындалдым. Бұл ұйымда 15 жыл бұрын еңбек жолымды бастап, бірегей тәжірибе алу мүмкіндігіне ие болдым. Алған білімімді кейін түрлі мекемелерде қызмет атқару барысында қолдандым. Енді Зияткерлік мектептерді одан әрі дамытуға бағытталған жұмысқа кірістім» деп жазды Әнуар Жанғозин Facebook-те.

Айта кетейік, Әнуар Жанғозин 2017 жылдан 2019 жылға дейін елордадағы білім басқармасын басқарды.

2022 жылдың 24 қаңтарынан бастап, биылғы жылдың ақпан айына дейін Халықаралық бағдарламалар орталығының басқарма төрағасы қызметін атқарды.