Қазақстан көмір экспортын шектеуі мүмкін

2023 жылдың 19 қыркүйегінде өткен үкімет брифингінде Индустрия және құрылыс министрі Қанат Шарлапаев Қазақстаннан көмір экспортын шектеу жоспарын жариялады.

Еске салайық, өткен жылы Индустрия және инфрақұрылымдық даму министрлігі көмірді автомобиль көлігімен экспорттауға тыйым салған болатын. Осы орайда оған биыл да дәл осындай тетіктер қолданыла ма деген сауал қойылды.

«Иә, жоспарлап жатырмыз, қазір біз елден автомобиль көлігімен көмір шығаруға шектеу енгіздік, қазір көмір экспортын шектеу шараларын әзірлеп жатырмыз» деді Қанат Шарлапаев.

Ол Индустрия министрлігі мен жалпы үкіметі әрекетінің негізгі мәні Қазақстанның тұтынушыларын қорғау екенін атап өтті.

«Әлеуметтік көмір бар, ол арзандатылған бағамен сатылады, өкінішке қарай, бізде әлеуметтік көмірді елден экспорттаған жағдайлар болды - ол арзан сатып алынып, экспорттық бағамен сатылды. Қазақстан коммуналдық-тұрмыстық қажеттіліктерге, үй шаруашылығына мүмкіндігінше көмірмен қамтамасыз етілгендіктен, біз көмір экспортын шектеу шараларын енгізуге мәжбүрміз»,- деп түсіндірді Қанат Шарлапаев.