«Қарасора – 2026»: Есірткі тасушы «жұмысын бастаған» әйелден 113 түйіншек табылды

Алматы қаласында «Қарасора» жедел-профилактикалық іс-шарасы аясында Есірткі қылмысына қарсы күрес басқармасы қызметкерлері Наурызбай аудандық полиция қызметкерлерімен бірлесіп, есірткі заттарын сақтады және таратты деген күдікпен әйелді ұстады, деп хабарлайды Orda.kz.       

Алматы қаласы полиция департаменті әлеуметтік желіде есірткі тасушы «жұмысын» бастағанына небәрі екі күн болған әйелдің ұсталғаны туралы бейне жариялады.

Күдіктінің уақытша тұрған мекенжайында жүргізілген тінту барысында есірткі болуы мүмкін зат салынған 113 түйіншек, электронды таразы, орау материалдары және ұялы телефондар тәркіленді.

«Аталған дерек бойынша есірткі заттарын заңсыз сақтау фактісімен қылмыстық іс қозғалды. Күдікті қамауға алынды. Қазіргі уақытта қажетті тергеу әрекеттері жүргізіліп, тиісті сараптамалар тағайындалды» деп жазылған Алматы ПД хабарламасында. 

Алдын ала мәлімет бойынша, ұсталған әйел интернет арқылы есірткі сатумен айналысатын дүкеннің «жасырын қойма» тәсілімен таратушысы болып іске кіріскен. Оның бұл іспен айналысқанына небәрі бірнеше күн болғаны анықталыпты.

Оқи отырыңыз:

• Алматыда есірткі жарнамасы бар QR-код жапсырып жүрген адам ұсталды
• «Қарасора – 2026»: Он күнде 121 келіден астам синтетикалық есірткі тәркіленді
• Таразда синтетикалық есірткі тасып жүрген шетелдік курьер қолға түсті