Қостанай облысында жол апатынан екі адам қаза тауып, төрт жолаушы түрлі жарақатпен ауруханаға түсті

Қостанай облысы аумағындағы тасжолда болған жол-көлік оқиғасында екі адам қаза тапты. Тағы төрт адам түрлі жарақат алып, ауруханаға жеткізілді, деп хабарлайды Orda.kz.       

Апат Қостанай – Қарабұтақ тасжолында Бейімбет Майлин ауданына қарасты Валерьяновка ауылының маңында болған.

Полиция мәліметінше, Chery Cowin және Mazda 626 көліктері бетпе-бет соқтығысқан. Соның салдарынан Chery Cowin көлігінің жүргізушісі мен бір жолаушысы оқиға орнында көз жұмған. Ал осы көліктегі тағы үш жолаушы және Mazda 626 жүргізушісі ауруханаға жеткізілген.

Қостанай облыстық полиция департаменті бастығының орынбасары Аманжол Байзақовтың айтуынша, алдын ала болжам бойынша, Chery Cowin жүргізушісі қарсы бағытқа шығып кетіп,  салдарынан қарсы келе жатқан көлікпен соқтығысқан.

Қазіргі уақытта оқиғаның барлық мән-жайы мен себептерін анықтау үшін қажетті тергеу әрекеттері жүргізілуде. Тергеу қорытындысы бойынша тиісті процессуалдық шешім қабылданады.

Оқи отырыңыз:

• Тамыз айында еліміздің ауа райы қандай болады?
• Бір тәулікте Сеутаға 50 мың мигрант қашып келіп, 57 адам қаза тапты