Қаржаубаймен жолыққан әйелі түрмедегі жағдайы жайлы мәлімдеді

Бүгін, 13 желтоқсанда, Қаржаубай Нұрымовтың жары Гүлбара Бишімбиеваның видеосы ресми парақшада жарияланды. Ол жұбайына үйден дайындаған ыстық тамақ пен жылы киім тапсырғанын айтты, деп хабарлайды Orda.kz.

Оның сөзінше, Қаржаубайдың денсаулығы жақсы, еш жарақаты жоқ.

«Бүгін мен адвокаттармен Қонаевқа Қаржаубайды көруге келдім. Заңды түрде бізді кездестіруге рұқсат берді. Үйден ыстық тамақ, жылы киімдер алып келдім. Жағдайы жақсы, денесінде ешқандай жарақат жоқ. Менің көзімше «бәрі жақсы» деп айтты. Өз көзіммен көрдім. Қаржаубайда бәрі жақсы», — деді Гүлбарам Бишімбиева.

Естеріңізге сала кетейік, Қаржаубай Нұрымов 10 желтоқсан күні ағасының жаназасында ұсталды. Ол жүк көлігінің төбесіне шығып, ұлы мен ағасының өліміне қатысты әділ тергеу жүргізуді талап еткен болатын. Сот оны ұсақ бұзақылық пен полиция қызметкерлеріне шабуыл жасады деген айыппен 15 тәулікке қамау туралы шешім шығарды. Алайда Нұрымов бұл айыптарды жоққа шығарып, тек полиция көлігінің дөңгелектерін тескенін мәлімдеді.

Еске сала кетейік, Orda.kz бұған дейін отбасының адвокаты полиция сөздерін жоққа шығарып, туыстары да, өкілдері де Қаржаубайды ұстауды сұрамағанын мәлімдеген болатын.

Еске сала кетсек, 10 желтоқсанда Азат ауылында Шерзаттың ағасы Нұрқанат Ғайыпбаевтың жаназасы өте салысымен арты үлкен дауға айналды. Қаржаубай Нұрымов журналистермен кездесуді талап етіп, тіпті өз-өзін пышақпен жарақаттап тастады.

Нұрқанат Ғайыпбаевтың өліміне қатысты оқиғаның егжей-тегжейін мына репортаждан оқи аласыз.

Еске сала кетсек, ІІМ бірінші орынбасары Бауыржан Әленов пен бас прокурор Берік Адамов және тергеу ісін қолға алған Самат Айысов 15 қазан брифинг өткізген. Олардың артынан ұсталғаны мәлім болды. Ұсталғандардың кім екенін сол брифингте айтып берген еді.

Шерзаттың үйі өртенген түні болған оқиғаны мына сілтемеден оқыңыз. 

Сонымен қатар кейін ұсталған екі адам жайлы, күдіктілердің бірінің анасы БАҚ-та айтылып кеткен санды толтыру үшін ұлын жазықсыз ұстағанын айтып мәлімдеме жасаған болатын.