Азат ауылын полиция қоршауға алды: Неге Шерзаттың ағасының жаназасы дауға ұласты?

Талғардағы Шерзата Полаттың қазасы үлкен шу тудырып, бірінен соң бірі жалғасқан дауларға себеп болуда. 10 желтоқсанда Нұрқанат Ғайыпбаевтың жаназасы өтті. Жаназа біте салысымен Азат ауылында жаппай жиын басталып, полиция ауылды қоршауға алды, деп хабарлайды Orda.kz.

Алматы облысы Полиция департаментінің баспасөз қызметінің хабарлауынша, Нұрқанат Ғайыпбаевтың туыстары оның өліміне қатысты әділ тергеу жүргізуді талап еткен. Шерзата Полаттың әкесі Каржаубай Нұрымов жүк көлігінің үстіне шығып, қолына пышақ ұстап, өзін өлтіремін деп қорқытқан.

Полиция психологиялық тұрақсыз күйде болған ер адамды ұстады. Шерзат Полаттың әкесі агрессивті әрекет еткен. Алдын ала ақпарат бойынша, ол өзіне дене жарақатын салып үлгерген екен. Куәгерлердің айтуынша, Каржаубай Нұрымов журналистермен кездесуді талап еткен. Айта кетейік, бұған дейін олар тілшілермен сөйлесуден үзілді-кесілді бас тартқан болатын.

                                                                                          Коллаж Orda.kz

«Ол айналадағы адамдарға қауіп төндіріп, полиция қызметкеріне пышақпен шабуыл жасады. Оның әрекеттері психологиялық тұрғыдан бірқалыпты емес болды. Өзінің және өзгелердің өміріне қауіп төндірді. Туыстары мен адвокаттардың өтініші бойынша, оның өміріне және айналадағы адамдардың өміріне зиян келтірмеу мақсатында полиция қызметкерлері оны шамалы күш қолдана отырып, ұстады»,  деп түсіндірді Алматы облысы Полиция департаменті.

Нұрымовты полиция бөлімшесіне жеткізіп, психологтар онымен жұмыс істеуде.

«Полиция жағдайды тұрақтандыру бойынша жұмысты жалғастыруда және азаматтарды сабырға шақырады»,  деп мәлімдеді ведомство.

Нұрқанат Ғайыпбаевтың өліміне қатысты оқиғаның егжей-тегжейін мына репортаждан оқи аласыз.