Ербол Ізбергенов Ақтау қаласының әкімі болып тағайындалды

Ербол Ізбергенов Ақтау қаласының әкімі болып тағайындалды. Бұл туралы Маңғыстау облысы әкімінің баспасөз қызметі хабарлады.

«3 қазанда өңір басшысы Нұрлан Ноғаев қалалық мәслихат депутаттарына басқа жұмысқа ауысқан Нұрдәулет Қилыбайдың орнына Ақтаудың жаңа әкімінің кандидатурасын ұсынды. Президент Әкімшілігімен келісілген жаңа кандидат бұрын Ақтау әкімінің орынбасары қызметін атқарған Ербол Ізбергенов болды» делінген хабарламада.

Облыс әкімдігінің мәліметінше, депутаттар Ізбергеновтің кандидатурасын қолдаған.

«Нұрлан Ноғаев Нұрдәулет Қилыбайға атқарылған жұмыстар үшін алғыс айтып, Ербол Ізбергеновке Ақтаудың әлеуметтік-экономикалық дамуына қатысты бірқатар нақты тапсырма берді» деп хабарлады облыс әкімдігінің өкілдері.