Димаш Құдайберген Ташкентте жеңіске жеткен қазақстандық боксшыларды құттықтады

Белгілі қазақстандық әнші Димаш Құдайберген ұлттық құраманы бокстан әлем чемпионатындағы жүлделі жеңісімен құттықтады.

«Спортшыларымызды 4 алтын және 1 күміс медальмен шын жүректен құттықтағым келеді!» деп жазды Димаш Құдайберген инстаграм парақшасында.

Ташкентте өткен бокстан әлем чемпионатында Санжар Ташкенбай (48 келіге дейін), Махмұд Сабырхан (54-ке дейін), Асланбек Шымбергенов (71-ге дейін) және Нұрбек Оралбай (80-ге дейін) алтын медаль иеленді. Дулат Бекбауов (67-ге дейін) күміс жүлдегер атанды.