«Дарын» мемлекеттік жастар сыйлығына құжат қабылдау басталды

Қазақстанның дарынды жастарына арналған ең беделді байқаулардың бірі – «Дарын» мемлекеттік жастар сыйлығына құжат қабылдау басталды, деп хабарлайды Orda.kz.

Оған мәдениет, ғылым, медиа және спорт саласында жетістіктері бар 35 жасқа дейінгі қазақстандықтар қатыса алады.

Бұл сыйлықтың ерекшелігі – үміткерлердің халықаралық және республикалық конкурстардағы жеңістері, фестивальдардағы жетістіктері, сонымен қатар қоғамды дамытуға қосқан үлестері ескеріледі. Байқау 10 номинация бойынша өткізіледі, олардың ішінде әдебиет, ғылым, спорт, журналистика және креативті бастамалар бар.

Жеңімпаздар «Дарын» сыйлығының лауреаты атағын алып, диплом, төсбелгі және қаржылай сыйақымен марапатталады. Сыйлықтың берілуі Қазақстанның Тәуелсіздік күніне қарсы ұйымдастырылады. Құжаттар 17 қарашаға дейін қабылданады.