Жаңа заңмен бекітті: Виктор Орбан Венгрия үкіметін қайта басқара алмайды

Венгрия парламенті конституцияға енгізілген түзетулерді мақұлдап, премьер-министр қызметінде болу мерзімін екі кезеңмен шектеді, деп  Orda.kz Deutsche Welle-ге сілтеме жасап хабарлады.

Жаңа заңға сәйкес, бір адам премьер-министр лауазымын ең көбі екі төртжылдық мерзім атқара алады.

15 маусымда өткен дауыс беруде бұл бастаманы 134 депутат қолдады. 50 парламентарий қарсы дауыс берсе, тағы алтауы қалыс қалды.

Айта кетейік, бұған дейін оппозиция лидері Петер Мадьяр Венгрия президенті өз міндетін дұрыс атқармай отыр деп мәлімдеген. Оның айтуынша, мемлекет басшысы қызметінен кетуі тиіс болған.

Мадьяр президент Тамаш Шуйок туралы:

«Ол венгр ұлтының бірлігін білдіруге лайық емес. Заңдылықтың сақтаушысы да қолдаушысы да бола алмайды. Моральдық үлгі де бола алмайды», – деген болатын. 

Еске салсақ, 12 сәуірде Венгрия-да парламенттік сайлау өткен болатын. Онда 45 жастағы Петер Мадьяр бастаған «Тиса» атты оңшыл-орталық партия жеңіске жетті.

Конституциялық өзгерістер Венгриядағы саяси жүйеге елеулі әсер етіп, ұзақ уақыт билік еткен саясаткерлердің қайта оралу мүмкіндігін шектейді. Бұл қадам биліктің жаңаруына және саяси тепе-теңдіктің сақталуына бағытталған деп бағалануда.

Бұл елде отбасыларға үй немесе көлік алуға субсидия беріледі, жалақы жоғары, 25 жасқа дейінгілер салықтан босатылған, ал бюджет саласы қызметкерлеріне қосымша төлемдер енгізілген. Алайда Венгрияда билік ауысты. Orda.kz тілшісі өз зерттеу мақаласында бұл елде билік ауысуына не себеп болғанын түсіндірді.

12 сәуірде елде парламенттік сайлау өтті. 16 жыл бойы елді басқарып келген Виктор Орбан жеңіліске ұшырады. Сайлауға халықтың қатысу деңгейі 79,5 пайыз. Қорытынды нәтиже 18 сәуірге дейін шығады, алайда Орбан бірден қарсыласын жеңісімен құттықтады. 

Оқи отырыңыз:

• Венгрияда 16 жылдық билік құлады: Орбан неге жеңілді?
• Орбан парламенттік сайлауда жеңілгенін ашық мойындады
• «Бізді соғысқа шатуға жол бермейміз»: Венгрия екі украин тыңшысын қуып жіберді