Петропавлда бойжеткен мешітке кіріп, имамның қалтасын қағып кетті

Қасиетті орында қалтаға қол сұққан 20 жастағы қыз «Қызылжар» мешіті имамының кабинетіне кіріп, 36 500 теңгесін үптеп кеткен, деп хабарлайды Orda.kz.       

Алайда оны бұл олжасы алысқа жібермеді. Жас қыз еш ойланбастан имамның күртешесінің қалтасындағы ақшаны алғанын ешкім білмейді деп ойласа керек. Бірақ оңай олжаға масайраған әрі сақтық танытпаған бойжеткен бейнебақылау камераларының бар екенін ескермеген.

Сондықтан тәртіп сақшылары оны көп ұзамай тауып алды. Сотта бойжеткен жасаған ісіне өкініп, кешірім сұрады. Жәбірленуші де кешірімді адам болып шығып ол қызды кешіріп, тіпті оны бас бостандығынан айырмауды сұраған.

Сот қыздың бұрын сотталмағанын, кішкентай бала тәрбиелеп отырғанын және алғаш рет қылмыстық жауапкершілікке тартылып отырғанын ескерді.

Нәтижесінде 36 500 теңге ұрлағаны үшін оған бір жарым жыл шартты жаза тағайындалды.

Қосымша қаржылық сабақ ретінде сот оны Жәбірленушілерге өтемақы төлеу қорына шамамен 65 мың теңге аударуға міндеттеді.

Оқи отырыңыз:

• Президент құттықтады: Геннадий Головкиннің есімі Халықаралық бокс даңқы залына жазылды
• Әл-Фарабидегі апат: Пак Zeekr көлігіне неліктен жалған нөмір тағып алғанын айтты
• Президент қорғаныс министріне армияны цифрлық тұрғыдан жетілдіруді тапсырды