ҚР СІМ АҚШ-та жоғалған қазақстандықтың қаза тапқанын ресми растады

Қазақстан Республикасының Сыртқы істер министрлігі АҚШ аумағында табылған адамның денесі бұрын жоғалып кеткен қазақстандық Әсет Құралбайға тиесілі екенін ресми түрде растады, деп хабарлайды Orda.kz.       

«Қазақстан Республикасының Сыртқы істер министрлігі АҚШ-тың құзырлы органдары табылған адамның жеке басын анықтағанын растайды. Ол – Қазақстан азаматы Әсет Құралбай. Қайғылы жағдайға байланысты марқұмның туған-туыстары мен жақындарына шын жүректен көңіл айтамыз» деп жазылған хабарламада. 

Қазіргі уақытта қазақстандық дипломаттар АҚШ-тың тиісті органдарымен және марқұмның туыстарымен тұрақты байланыста.

Министрлік өкілдерінің айтуынша, туыстарына қажетті консулдық көмек көрсетілуде. Атап айтқанда, құжаттарды рәсімдеу және мәйітті Қазақстанға жеткізу (репатриация) мәселелері бойынша қолдау ұйымдастырылған.

Бұл қайғылы оқиға шетелде жүрген азаматтардың қауіпсіздігі мәселесі маңызды екенін тағы да еске салады. Сыртқы істер министрлігінің мәліметінше Қазақстанның дипломатиялық қызметі мұндай жағдайларда азаматтарға жан-жақты көмек көрсету жұмыстарын жалғастырып келеді.

Оқи отырыңыз:

• ІІМ: «Kyzdar.net» интернет-сайтының түпкі бенефициарлары ұсталды
• Молдахан: «Мен шындықты айтқанымды ғана мойындаймын»: Ұзабаев пен Шұмаев кешірім бере ме?
• Шалбарын шешпек болған: Шымкентте 8 жастағы қызға анайы қылық көрсеткен ер адам айыппұлмен құтылды