Нұрлан Сабуровтың отбасы Алматыда тұрақты тұру үшін көшіп келді ме?

Танымал қазақстандық әзілкеш Нұрлан Сабуровтың жұбайы Диана Сабурова Алматы қаласына тұрақты тұру үшін қоныс аударғанын мәлімдеді. Бұл туралы ол өзінің Instagram парақшасындағы stories бөлімінде жариялады, деп хабарлайды Orda.kz.       

Оқырмандар тарапынан «уақытша келдіңіз бе, әлде ұзаққа ма?» деген сұрақтар жиі қойылғаннан кейін Диана нақты жауап берген.

«Көп сұрақ түсіп жатыр – қонаққа келдің бе, деген сияқты. Енді мен Алматыда тұрақты тұрамын», – деді ол. 

Желі қолданушылары бұл шешім Нұрлан Сабуровқа қатысты соңғы жағдайлармен байланысты болуы мүмкін екенін айтады. Бұған дейін БАҚ-та әзілкешке Ресей аумағына 50 жылға кіруге тыйым салынғаны туралы ақпарат тараған еді.

Хабарламаларға сәйкес, ол Мәскеудегі Внуково әуежайында ұсталып, кейін Алматыға қайтарылған. Алайда бұл ақпарат ресми түрде толық расталмаған.

Осы жағдайдан кейін отбасының Қазақстанға біржола оралу туралы шешім қабылдауы мүмкін деген болжамдар айтылуда.

2026 жылдың басында интернетте Сабуровтың Ресейдегі жеке әскери компанияларды қаржыландыруы мүмкін деген мәліметтер тараған болатын. Осыған байланысты Қазақстан Ұлттық қауіпсіздік комитеті тексеру бастаған. Шілде айының басында ведомство тексерудің аяқталғанын мәлімдеді, алайда нақты қорытындылар жария етілген жоқ.

Нұрлан Сабуров – посткеңестік кеңістіктегі ең танымал стендап әртістерінің бірі. Ол Ресейде ұзақ жылдар жұмыс істеді, ірі тележобалар мен интернет-шоуларға қатысты,  халықаралық гастрольдермен танымал болды.

Соңғы жылдары ол орыс тілді аудитория арасында үлкен сұранысқа ие әзілкештердің қатарында болды.

Диананың Алматыға көшуі әлеуметтік желілерде қызу талқыланды. Көптеген қазақстандықтар бұл шешімді қолдап, жаңа өмір кезеңінде сәттілік тіледі.

Диана мен Нұрлан Сабуровтардың Алматыға қоныс аударуы – тек жеке отбасының шешімі ғана емес, сонымен қатар қазіргі геосаяси және ақпараттық жағдайлардың ықпалын көрсететін оқиға. Алдағы уақытта олардың шығармашылық бағыты мен жоспарлары қалай өрбитіні көпшілік назарында болмақ.

Оқи отырыңыз:

• Нұрлан Сабуров 50 жыл Ресейге кіре алмайды
• «Қылмыскерді көруге келдіңдер ме?» Нұрлан Сабуров алғашқы концертін берді
• Нұрлан Сабуров сотталуы мүмкін бе?: Заңгер пікірі
• Украинада Нұрлан Сабуровқа қатысты тергеу басталды