Үй маңында көлік қоюға тыйым салынбайды: Министрлік жаңа ережені түсіндірді
Фото: astanatv.kz
Қазақстанда 2026 жылғы 1 шілдеден бастап тұрғын үйлердің маңында көлік қоюға тыйым салынады деген ақпарат шындыққа жанаспайды. Бұл туралы Қазақстанның Өнеркәсіп және құрылыс министрлігі ресми түрде мәлімдеп, қоғамда тараған қауесеттерге түсініктеме берді, деп хабарлайды Orda.kz.
Соңғы уақытта БАҚ пен әлеуметтік желілерде «жаңа ережелер бойынша үйдің жанында көлік қоюға болмайды» деген ақпарат кеңінен тарады. Бұл пікірлер абаттандыру қағидаларының жаңартылған нұсқасына байланысты пайда болған.
Жаңа редакцияда алғаш рет «жапсарлас аумақта сақтауға болмайтын мүлік» тізімінде автокөліктер жеке көрсетілген. Алайда министрлік бұл норманы кейбіреулер қате түсіндіріп отырғанын атап өтті. Ведомствоның түсіндіруінше, жаңа бұйрық Қазақстан Республикасының Құрылыс кодексі талаптарына сәйкестендіру мақсатында қабылданған. Құжаттағы көптеген нормалар бұрыннан бар.
Негізгі өзгерістердің бірі – бұрын «өзге де жылжымалы заттар» деп жалпылама көрсетілген тізім нақтылап жазылған. Енді оған: автокөліктер, тіркемелер, арбалар жеке-жеке енгізілген.
Бұл жүргізушілер үшін нені білдіреді? Министрлік өкілдері бұл жерде әңгіме көліктерді пайдалану туралы емес, оларды ұзақ уақыт бойы қоғамдық аумақта қараусыз қалдыру немесе «қойма» ретінде сақтау жайлы екенін түсіндірді.
Яғни, арнайы тұрақ орындарында көлік қоюға рұқсат етіледі, ауладағы заңды паркингтерді пайдалануға ешқандай шектеу жоқ, тек көлікті ұзақ уақыт бойы қараусыз қалдырып, аумақты «толтырып қоюға» болмайды. Сонымен қатар бұл құжат жол қозғалысын, автотұрақтарды ұйымдастыруды немесе көлік құралдарын пайдалануды реттемейді.
Еске салсақ, 2026 жылдың басында Қасым-Жомарт Тоқаев жаңа Құрылыс кодексіне қол қойған болатын. Бұл құжатқа сәйкес, Астана және Алматы қалаларында жол бойындағы жер учаскелерін жеке компанияларға ақылы тұрақ ұйымдастыру үшін беруге тыйым салынды.
Ал 2025 жылдың ақпанында Астана әкімдігі « Астананың тұрақ кеңістігі» компаниясымен келісімді бұзып, ақылы тұрақтарды қаланың меншігіне қайтарған еді. Бұған дейін депутаттар тұрақтан түсетін табыстың едәуір бөлігі жеке серіктеске кететінін сынаған болатын.
Жаңа ережелер көлік иелеріне қосымша шектеу енгізбейді. Негізгі мақсат – аулалар мен қоғамдық кеңістікті ретке келтіру, сондай-ақ оларды бей-берекет заттардан тазарту. Министрлік азаматтарды тек ресми ақпаратқа сенуге және жалған түсіндірмелерді таратпауға шақырды.
Оқи отырыңыз:
Жаңалықтар
- Түркияға жұмыс істеуге кеткен қазақстандық Грекияда 125 жылға сотталды
- Қазақстан Конституциясы мен домбыра Памир шыңына көтерілді
- «Қарасора – 2026»: Есірткі тасушы «жұмысын бастаған» әйелден 113 түйіншек табылды
- UIM F1H2O әлем чемпионаты: Орталық Азия мемлекеттері президенттері қатысты
- Әлемдік жанжал: ФИФА коммерциялық құқықтарын жеке инвесторларға сатпайтын болды
- Президент Қостанай облысының құрылғанына 90 жыл толуымен тұрғындарды құттықтады
- Энергетика министрлігі: КҚК мен жүк жөнелтушілер арасында тұрақты байланыс орнатылды
- Қостанай облысында жол апатынан екі адам қаза тауып, төрт жолаушы түрлі жарақатпен ауруханаға түсті
- Жамбыл облысында пара алды деген күдікпен полиция бөлімі бастығының орынбасары ұсталды
- ЖИ бақылаудан шығып, компанияларға шабуыл жасап жатыр
- Бір тәулікте Сеутаға 50 мың мигрант қашып келіп, 57 адам қаза тапты
- Тамыз айында еліміздің ауа райы қандай болады?
- Есіл өзенінде 20 жастағы жігіт қаза тапты: Денесі әлі іздестіріліп жатыр
- Future Games: Қазақстан намысын жалғыз команда қорғайтын болды
- УЕФА мен оған мүше 55 ел ФИФА жарыстары мен Әлем чемпионатына бойкот жариялады
- Зорланғанын айтқан қыздың арызын елемеген полицейлерге сот үкімі шықты
- Bazis-A негізін қалаған Александр Беловичтің ісі бойынша Татьяна Белова түрмеге тоғытылды
- Тоқаев бірқатар судьяларды орнынан босатты
- Тоқаев Ыстықкөлдегі Орталық Азия елдері мен Әзербайжан жетекшілерінің бейресми кездесуіне қатысады
- АҚШ-та Трамптың портреті бейнеленген паспорттар беріле бастады
