Бүгінгі қорытынды жаңалықтар

Алматы, 17 ақпан - ORDA редакциясы. Әлемде және Қазақстанда болған бүгінгі маңызды жаңалықтарға қысқа шолу.

• Бүгін таңертең 70 жасқа қараған шағында Қазақ телевизиясында 45 жыл қызмет атқарған журналистика ардагері Нұртілеу Иманғалиұлы өмірден өтті.
• Джефф Безос қайтадан әлемдегі ең бай адам атанды. Соңғы мәліметтерге сәйкес, Безостың байлығы 191 миллиард долларды құрады.
• Мәдениет және спорт вице-министрі Нұрғиса Дәуешовтың мәліметінше, Президент тапсырмасы бойынша 2021 жыл – Қазақстандағы балалар мен жасөспірімдердің кітап оқуын қолдау жылы деп жарияланды.
• Қазақстанда тек бір ғана облыс қызыл аймақта қалды. 17 ақпандағы бағалау матрицасы бойынша Қазақстанда тек Павлодар облысы ғана «қызыл» аймақта тұр.
• Tengri Bank-тің бұрынғы басшысы Ержан Шәйкенов ұсталды. 16 ақпанда Қазақстан Республикасы Қаржы мониторингі агенттігінің қызметкерлері ҚР Қылмыстық іс жүргізу кодексінің 128-бабына сәйкес Tengri Bank-тың бұрынғы төрағасы Шәйкеновті ұстады.
• Мемлекет басшысы Қасым-Жомарт Тоқаев Total концернінің барлау және өндіру жөніндегі бөлімшесінің президенті Арно Брейякты қабылдады.
• Маңғыстауда блогер репост жасағаны үшін сотталды. 17 ақпанда Ақтауда жала жапты деп блогер Айгүл Ақбердіге қатысты сот отырысы өтті.
• Таразда Қордайдағы қақтығысқа қатысты сот процесі әлі жалғасып жатыр.

Жаңалықтарды оперативті білемін деушілерге ORDA редакциясының Telegram арнасын ұсынамыз.