Қазақ журналистикасының ардагері Нұртілеу Иманғалиұлы өмірден өтті

Бүгін таңертең 70 жасқа қараған шағында Қазақ телевизиясында 45 жыл қызмет атқарған журналистика ардагері Нұртілеу Иманғалиұлы өмірден өтті, деп хабарлады ORDA. редакциясы Qazaqstan телеарнасына сілтеме жасап.

Нұртілеу Иманғалиұлы «Құрдастар», «Жастар дауысы», «Арай», «Жадыңда ма, жолдас», «Айна», «Жас жігер», «Бетпе-бет», «Қолтаңба», «Діңгек», «Көршілер», «Заң сөйлесін», «Nur-Tiley» авторлық бағдарламалары арқылы қалың көрермен есінде қалды.

Н. Иманғалиұлы 2006-2007 жылдары – «Қазақстан» республикалық телерадиокорпорациясы» акционерлік Қоғамының Басқарма Төрағасы, одан кейінгі жылдары «Қазақстан РТРК» АҚ Басқарма төрағасының кеңесшісі қызметтерін атқарды. Соңында ізбасар шәкірттер тәрбиеледі.

«Қазақстан» телерадиокорпорациясының ұжымы және ORDA. редакциясы Нұртілеу Иманғалиұлы жақындары мен туған-туыстарына қайығырып көңіл айтады.

Бүгін Ұлттық арна эфирінен естелік хабарлар мен арнайы жобалар беріледі.