Tengri Bank-тің бұрынғы басшысы Ержан Шәйкенов ұсталды

Tengri Bank Басқармасының бұрынғы төрағасы Ержан Шәйкенов ұсталды. Бұл ақпаратты ҚР Қаржы мониторингі агенттігі растады.

«Иә, шынымен де, 16 ақпанда Қазақстан Республикасы Қаржы мониторингі агенттігінің қызметкерлері ҚР Қылмыстық іс жүргізу кодексінің 128-бабына сәйкес Tengri Bank-тың бұрынғы төрағасы Шәйкеновті ұстады», - деп хабарлады министрліктің баспасөз қызметі.

Агенттік тергеу мүддесіне қатысты басқа ақпараттың әлі жарияланбайтынын атап өтті.

Ержан Шәйкенов 2015 жылдан 2019 жылға дейін Tengri Bank басқарма төрағасы қызметін атқарды. 2020 жылдың шілдесінен бастап ол Tengri Bank Директорлар кеңесінің төрағасы.