Атыраудағы қырылған отбасы: Күдіктінің жұбайы қылмысқа қатысы жоқ деп танылды

03 маусым 2026 14:16 Ләззат Нұрсапақызы

Фото: Әлеуметтік желіден

Атырау облысындағы Жангелдин ауылында болған отбасы өлімі ісі бойынша басты күдіктінің жұбайы қылмысқа қатысы жоқ деп танылды, деп хабарлайды Orda.kz.

Бұл туралы Атырау облысының прокуратурасы хабарлады.

Дегенмен Ақбаян Мұқанғалиеваға «Қылмыс туралы хабарламау» бабы бойынша айып тағылуы мүмкін. Түпкілікті процессуалдық шешім тергеу қорытындысы бойынша қабылданады.

Прокуратура өкілдерінің айтуынша, қазіргі уақытта істің барлық мән-жайын толық анықтауға бағытталған тергеу әрекеттері жалғасып жатыр.

29 мамырдағы Атырауда бүкіл бір отбасын, оның үстіне өзінің қайын жұртын қырып тастаған іске қатысты сотта Сұлтан Сәрсемалиевтің ата-анасының сөзі тыңдалған болатын.

Еске салайық, биыл қаңтарда Атырау облысында төрт адамнан тұратын отбасы – ер адам, оның жұбайы және екі ересек баласы жоғалып кеткені белгілі болған еді. Алдымен егде жастағы ерлі-зайыптылардың, кейін олардың балаларының мәйіттері табылды. Бұл қылмысқа отбасының бұрынғы күйеу баласы Сұлтан Сәрсемалиев күдікті ретінде танылып, сот алдында жауап беріп жатыр.

Бұған дейін Атырау облысының прокуратурасы психологиялық-психиатриялық сараптама қорытындысы бойынша Сұлтан Сәрсемалиевтің есі дұрыс деп танылғанын хабарлаған. Күдіктінің жұбайы Ақбаян Мұқанғалиева сот санкциясымен стационарлық сот-психологиялық-психиатриялық сараптамадан өту үшін мамандандырылған медициналық мекемеге орналастырылған.

Оның алдындағы сотта йыпталушы Сұлтан Сәрсемалиев кінәсін ішінара мойындады. Ол Наурыз Мұқанғалиевті қасақана өлтіргенін жоққа шығарып, мұны өзін-өзі қорғау кезіндегі абайсыздық деп түсіндірді. Алайда қалған үш құрбанды әдейі өлтіргенін растады. Сотталушы Мақсот Қарабалинге – 9, Өтешқалиеваға – 8, Наурыз Мұқанғалиевге – 10, ал Мейрамгүл Қарабалинаға 32 рет пышақ сұққанын ашық айтты.

Оқи отырыңыз:

Жаңалықтар

барлық жаңалықтар