Атыраудағы қанды іс: Күйеу бала отбасының төрт мүшесін өлтіргенін мойындады, әйелі психикалық орталықта жатыр
Фото: Видеодан кадр
Атырауда тұтастай жоғалып кеткен отбасының төрт мүшесі кейін өлі табылған еді. Оларды өлтірді деген күдікпен Индонезияда ұсталған осы отбасының күйеу баласы Сұлтан Сәрсемәлиевтің Индонезиядан Малайзия арқылы Қазақстанға экстрадицияланған видеосы әлеуметтік желіде жарияланды. Ал оның жұбайы қазір психикалық денсаулық орталығында жатыр, деп хабарлайды Orda.kz
Индонезия полициясының ресми Polres Lombok Utara парақшасында жарияланған видеода басты күдікті Сұлтан Сәрсемалиев пен оның азаматтық некедегі жары Ақбаян Мұқанғалиеваны бір топ полиция Индонезия әуежайынан Қазақстанға жөнелтіп жатыр. Мұқанғалиеваның денсаулығы нашар, тіпті жүре алмай, қол арбада отыр.
Ұсталғаннан кейін Сәрсемалиев кінәсін мойындаған, жедел-тергеу тобы құрылып, оның көрсетуімен тергеу әрекеттері жүргізілді. Әу баста тұтастай жоғалды деген бір отбасының төрт адамы да ақырында өлі табылды. Наурыз Мұқанғалиев пен Мейрамгүл Қарабалинаның мәйіті күдікті Сұлтан Сәрсемалиевтің бұрын жұбайымен бірге тұрған үйінің ауласынан анықталды. Алдын ала мәлімет бойынша, тергеу әрекеті барысында Сәрсемалиев Наурыз бен Мейрамгүлді өлтіргенін мойындаған. Ол сондай-ақ олардың мәйіттерін Геолог шағын ауданындағы жалға алынған үйдің ауласына көмгенін айтқан.
Ал бұған дейін 8 қаңтарда Сәрсемалиевтің ата-енесінің мәйіті өз ауласындағы ескі сарайдан табылған еді.
Бүгін осы оқиғаға қатысты ішкі істер министірлігі төрт адамның өліміне Сәрсемалиевпен арада болған тұрмыстық жанжал себеп болған деп айтты.
«Төрт адамның өліміне ұзақ уақытқа созылған тұрмыстық жанжал себеп болған. Тергеу «екі немесе одан да көп адамды өлтіру» бабы бойынша жүргізіліп жатыр және іс министрліктің бақылауында. Сондай-ақ отбасының кіші қызының бұл қылмысқа қатысы бар-жоғы тексерілуде. Оның психикалық жағдайын анықтау қажеттілігіне байланысты сот-психиатриялық сараптама жүргізу үшін медициналық мекемеге жіберілді» деп жазылған ведомства түсіндірмесінде.
Оқи отырыңыз:
Жаңалықтар
- Бекіре балығы мен уылдырығын сатып алғандар да жазаланады
- Алматы көшесінде қолының қаны сорғалап жүрген адам жұрттың зәресін алды
- Еш жерде жұмыс істемей, жұртты бопсалап, уыс-уыс ақша шашып жүргендер сотталды
- Қазақ поэзиясының нәзік лирикасы — Күләш Ахметованың туғанына 80 жыл
- Филиппиннің экс-президенті 76 адамды өлтіруге қатысы бар деп айыпталды
- Танысын балталап өлтіріп, мәйітін кереуеттің астына тығып қойған әйелге үкім шықты
- Тоқаев «Таза Қазақстан» республикалық экологиялық акциясына қатысып, ағаш отырғызды
- Макрон Еуропаны «оянуға» шақырып, Ресей, Қытай мен АҚШ қарсылығын еске салды
- Ату жазасы АҚШ-та өлім жазасын орындау тәсілі ретінде қайта енгізілді
- Абай облысында жүргізушіге ескерту жасаған шекарашыны ұрып кетті
- Ақ үй Уиткофф пен Кушнердің Пәкістанға бет алғанын растады
- Талдықорғанда асханада болған жанжал әйел өлімімен аяқталды
- Алматының арықтары нөсер жаңбырды ағыза алмайды, әкімдік не дейді?
- Түркістан облысында турнирге бара жатқан балалар жолда опат болды
- Алматыда оқушы мектепке балта көтеріп келіп, оны адамдарға қарсы қолданбақ болған
- Астанада автобуста жолаушы ана мен балаға тап беріп, балағаттады
- Лобода мен Қайрат Нұртас бірлесіп трек жазды
- Бұрынғы Оңтүстік Корея президентіне 30 жыл түрме жазасы сұралды — БАҚ
- 52 адамның пойызда уланғанына байланысты көлік министрі жаңа ақпарат берді
- Тоқаев Alem.ai халықаралық жасанды интеллект орталығын аралады
