Ғалымжан Жақияновқа қарсы қылмыстық іс тоқтатылды

Павлодар облысының прокуратурасы облыстың экс-әкімі Ғалымжан Жақияновқа қатысты жаңарған қылмыстық істі жауып тастады.

Бұған дейін Павлодар облысының полиция департаментінде алаяқтық, жымқыру және бопсалау фактісі бойынша қылмыстық істі тергеу қайта жанданып, қабылданған болатын.

«Павлодар облысының полиция департаменті Павлодар облысы әкімдігінің лауазымды тұлғаларына және басқа да тұлғаларға қатысты алаяқтық, сеніп тапсырылған бөтен мүлікті иемдену және бопсалау фактілері бойынша қайта қозғалған қылмыстық істі қабылдады» деп хабарлады облыс прокуратурасы.

Алайда қылмыстық құқық бұзушылықтың болмауына байланысты іс тез жабылды.

«Іс бойынша ҚР Қылмыстық іс жүргізу кодексінің 35-бабы 1-бөлігі 2-тармағы негізінде, яғни қылмыстық құқық бұзушылық құрамының болмауына байланысты қылмыстық істі тоқтату туралы түпкілікті процессуалдық шешім шығарылды» деп қосты департамент.

Жақияновқа қатысты қылмыстық іс Павлодар қаласының бұрынғы әкімі Николай Чмыхтың арызы бойынша қозғалған. Алайда Чмых тергеудің қайта басталғанын білмеді.

«Мен мүлде ештеңе білмеймін. Менде екі рет ауырдым. Ота жасалды, инсульт алдым, мүлдем есімде жоқ және білмеймін», - деді Чмых Orda.kz тілшісіне.

Жақиянов 1997-2001 жылдар аралығында Павлодар облысының әкімі болған. 2002 жылы ол қызметтік өкілеттігін асыра пайдаланды деп айыпталып, жеті жылға бас бостандығынан айырылды. Экс-әкімге мемлекетке 116 мың доллар көлемінде зиян келтірді деген айып тағылды. Жақиянов Төтенше жағдайлар министрлігінің нысанын, атап айтқанда, арнайы медициналық қамтамасыз ету базасын негізсіз берді деп айыпталды. 2006 жылы Жақиянов шартты түрде мерзімінен бұрын босатылды.