ҚР Ішкі істер министрінің айтуынша, биыл 248 жасөспірім өз-өзіне қол жұмсаған.

Бұл туралы Orda.kz хабарлады.

«Жасөспірімдер неге өз-өзінен қол жұмсайды?» деген сұраққа Ішкі істер министрі Ерлан Тұрғымбаев жауап берді.

Сондай-ақ, министрлікте суицидтің азаймай тұрғанына алаңдаушылық танытты.

– Әрбір үшінші жағдайға туыстарымен болған жанжал себеп, жалғыздық сезімінен – 12%, достармен қарым-қатынасын үзу – 10%, оқу орнындағы келеңсіздіктер, материалдық жағдайдың жоқтығы – 3%, – деді Тұрғымбаев.

Биыл 248 жасөспірім өзіне қол жұмсаған. Оның 164-і аман қалған, 84-і көз жұмған.

Жаз басталғалы жазатайым оқиғалар көбейген. Жыл басынан бері 30 бала терезеден құлап кеткен, 6-ы көз жұмған, 24-і ауруханаға жатқызылған.

Жол апатында 43 бала мерт болған.

Бөлісіңіз: