ҰҚК Антикор бойынша түсініктеме берді

Қасым-Жомарт Тоқаевтың өкімімен Сыбайлас жемқорлыққа қарсы іс-қимыл агенттігі таратылып, оның қызметі Ұлттық қауіпсіздік комитетіне берілді, деп хабарлайды Orda.kz.

Қауіпсіздік комитетінің баспасөз қызметінің ақпараты бойынша, жаңадан құрылған құрылым ҰҚК Сыбайлас жемқорлыққа қарсы қызметі деп аталады.

Ведомствоның мәліметінше, қазіргі уақытта бірқатар ұйымдастырушылық, басқарушылық және практикалық іс-шаралар жүзеге асырылып жатыр. Жаңа құрылымға құқықтар мен міндеттер толық берілгенге дейін, агенттік қызметін бұрынғы тәртіпте жалғастырады.

«Бұл шешім сыбайлас жемқорлыққа қарсы күресті тиімді үйлестіріп, күшейту мақсатында қабылданған. Агенттіктің бірқатар функциясы Мемлекеттік қызмет істері агенттігіне де беріледі», деп хабарлады ҰҚК.

Еске салсақ, президент Қасым-Жомарт Тоқаев бұрынғы төраға Асхат Жұмағалиға атқарған еңбегі үшін алғыс айтты. Асхат Жұмағали Сыбайлас жемқорлыққа қарсы агенттікті 2023 жылдың сәуір айынан бері басқарды.