«Жолаушы мерт болды»: Қостанай облысында жантүршігерлік жол апаты болды

Кеше, 17 қыркүйекте сағат 17:00 шамасында Қостанай-Әулиекөл-Сұрған тас жолының 184-шақырымында Chevrolet Cobalt және Audi автокөліктері соқтығысты, деп хабарлайды Orda.kz. 

"Қостанай жаңалықтары" жергілікті басылымының мәліметінше, екі көлік те Астанаға қарай бағыт алған.

Қайғылы оқиғаға Audi жүргізушісі рөлге ие бола алмай, жолға кесе-көлденең тұруы себеп болған. Оның артынан келе жатқан Cobalt жүргізушісі ешқандай шара қолдана алмады, соққы салдарынан көлік тас жолдың шетіне ұшып түсіп, отқа оранған.

Chevrolet-тегі жолаушысы алған жарақаттарынан оқиға орнына қаза тапқан. Екі көліктің де жүргізушілері мен екі жолаушы әртүрлі дене жарақаттарымен медициналық пунктке жеткізілді.