ҰҚК сайлау күні тәртіпсіздіктер ұйымдастырмақ болған бір топ адамды ұстады

2022 жылғы 17 қарашада Ұлттық қауіпсіздік комитеті прокуратураның көмегімен 20 қарашада жаппай тәртіпсіздіктерді жоспарлау және ұйымдастырумен айналысқан қылмыстық топтың әрекетін тоқтатты.

Арнайы операция нәтижесінде 7 адам ұсталды.

ҚР Қылмыстық кодексінің 179-бабының 2-бөлігі және 272-бабының 1-бөлігі бойынша тергеу басталды. Айғақты заттар ұсталғандардың тұрғылықты жері бойынша тәркіленді.

Прокуратураның санкциясымен олардың жаппай тәртіпсіздіктерді, мемлекеттік және құқық қорғау органдарының әкімшілік ғимараттарына, тіршілікті қамтамасыз ету нысандарына қару мен тұтандырғыш қоспаларды қолдану арқылы шабуыл ұйымдастыруға дайындықтары құжатталған.

Топтың әрбір мүшесінің рөлі нақты бөлінген, құпиялылық шараларын сақтай отырып, кезекті отырыстарда қылмыстық жоспарлар талқыланған.

Олар қылмыс жасау үшін қару-жарақ – Калашников автоматы, «Меркель» винтовкасы, екі тегіс ұңғылы кесілген шолақ мылтық, оқ-дәрілер, «Молотов коктейльдері» деп аталатын сұйықтық бөтелкелерін сақтайтын қойма жасаған.

Күдіктілер ҚР Қылмыстық-процестік кодексінің 128-бабына сәйкес ұсталып, уақытша ұстау изоляторына қамалды.

ҚР Қылмыстық-процестік кодексінің 201-бабына сәйкес өзге де мәліметтер жария етілуге ​​жатпайды.