Желі мәдениеті: Тоғыз треш-стример жауапкершілікке тартылды

Полиция мәліметінше, стримерлер лайк, қаралым және донат жинау мақсатында бейәдеп сөздер айтып, әдепсіз әрекеттер көрсетіп, қауіпті пранктар ұйымдастырып, адамдарды қорлаған, деп хабарлайды Orda.kz.       

Астанада 37 жастағы Индира Ештаева TikTok-та «Бауырсақ» лақап атымен танымал. Ол боқтық сөздер айтып, әдепке жат контент таратқан. Осы үшін оған айыппұл салынды.

Алматының 32 жастағы тұрғыны Ақтөре Батырбек «Ақтөре» лақап атымен белгілі. Тікелей эфир кезінде ол балағат сөздер айтып, айналасындағыларды қорлаған. Ол бес тәулікке қамауға алынды.

Шымкентте 20 жастағы Данияр Сейдалиев аудитория назарын аудару үшін тікелей эфирде электрошокер қолданылған адам ұрлау көрінісін инсценировка жасаған. Сонымен қатар эфир барысында боқтық сөздер айтып, қоғамдық тәртіпті өрескел бұзған. Ол сегіз тәулікке қамауға алынды.

Жамбыл облысында 41 жастағы Лайло Қасымова «Алтын қыз» лақап атымен белгілі. Ол бірнеше рет бейәдеп сөздер айтып, заңға қайшы контент таратқан. Оған айыппұл салынды.

Сондай-ақ 19 жастағы Жамбыл облысының тұрғыны Жарқынай Байбек пен Асылжан Танаберганов те анықталды. Олар TikTok-тағы тікелей эфирлерде донат жинау және аудитория тарту үшін әдейі бір-біріне физикалық зиян келтірген.

Оқи отырыңыз:

• Астана полициясы көші-қон қызметі басшысының орынбасары ұсталды – БАҚ
• Боралдайда 65 адам сушиден уланды: Санитарлық дәрігерлер асүйден не тапты?
• Алматыдағы «Гелик» қатысқан жол апатынан аман қалған әйелдің жағдайы белгілі болды