Астана полициясы көші-қон қызметі басшысының орынбасары ұсталды – БАҚ

Астана қаласы полиция департаментінің көші-қон қызметі басқармасы басшысының орынбасары Әлия Макаева заңсыз көші-қон ұйымдастыру ісі бойынша ұсталды, деп хабарлайды Orda.kz.        

Бұл туралы алғаш журналист Михаил Козачковтың Telegram-арнасы хабарлады.

Дүйсенбі күні жарияланған мәліметке сәйкес, полиция полковнигі ұйымдасқан заңсыз көші-қон ісі бойынша күдікке ілінген. Әңгіме жекелеген жағдай туралы емес, тергеу нұсқасына сәйкес түрлі ведомстволардың өкілдері қатысқан ұйымдасқан қылмыстық топтың әрекеті жайында болып отыр.

Дереккөздің мәліметінше, аталған топқа қатысы бар тұлғалар шетел азаматтарына заңсыз түрде тұруға рұқсат құжаттарын рәсімдеумен айналысқан болуы мүмкін.

Қазіргі уақытта бұл істі Ішкі істер министрлігінің өзіндік қауіпсіздік департаменті мен Ұлттық қауіпсіздік комитеті тергеп жатыр.

Orda.kz  редакциясы Ішкі істер министрлігі мен Ұлттық қауіпсіздік комитетіне ресми сауал жолдады.

Оқи отырыңыз:

• Арасында қытайлықтар бар: ШҚО-да заңсыз алтын өндіріп жүргендер құрықталды
• Тоқаевқа бюджет қаражатын жымқыру жолдары туралы баяндалды
• Ұлытаудағы ауыл спортшылары спартакиадасы төбелеспен аяқталды