«Орда», Ninety One және Қайрат Нұртастың әндерінің авторы Сержан Бақытжанұлы қайтыс болды

Отандық сазгер, Orda және Ninety One топтарының, сондай-ақ Қайрат Нұртастың репертуарындағы көптеген әндердің авторы Сержан Бақытжанұлы өмірден өтті. Қайғылы хабарды композитордың жақындары мен әріптестері растады, деп хабарлайды Orda.kz.

Әнші Қайрат Нұртас марқұмның қазасына байланысты көңіл айтып, әлеуметтік желіде әсерлі жазба жариялады.

Өнер иесі Сержан Бақытжанұлын жақын досы, әріптесі әрі сырласы деп атап, оның шығармалары халықтың жүрегінде мәңгі сақталатынын жеткізді.

Сержан Бақытжанұлы Orda тобының «Қиын заман», «Ғашықсың ба?», «Жауап бер», «Тағдыр» әндерінің, Ninety One тобының бірқатар туындыларының және Қайрат Нұртастың орындауындағы «Көк аспан» әнінің авторы болған.

Қайрат Нұртас марқұмның туған-туыстары мен жақындарына көңіл айтып, оның жаны жәннатта болуын тіледі.

Оқи отырыңыз: 

• Қырғызстанмен шекарада кезек үшін жанжал шығарғандардың ісі сотқа жетті
• Ұлытаудағы ауыл спортшылары спартакиадасы төбелеспен аяқталды