Түрмеде қап тіккен «Атамекеннің» бұрынғы басшысы Абылай Мырзахметов бостандыққа шықты

Павлодар облысы бойынша ҚАЖД мәліметінше, оны босату туралы шешімді сот осы жылдың ақпан айында қабылдаған, деп хабарлайды Orda.kz.        

Мырзахметовтің төрт көтермелеуі бар, оған мінез-құлқы бойынша екінші оң дәреже берілген. Сондай-ақ ол колонияда  тігін цехын ашып, қап тіккен болатын.

Жазаның өтелмеген бөлігінде ол тұрғылықты жері бойынша пробациялық бақылауда болады.

Еске салсақ, 2024 жылдың мамыр айында Абылай Мырзахметов аса ірі көлемдегі алаяқтық жасағаны үшін кінәлі деп танылған еді.

Абылай Мырзахметов 2013 жылдан 2022 жылға дейін «Атамекен» ұлттық кәсіпкерлер палатасын басқарды. 2024 жылдың мамыр айында Астана қаласының соты оны аса ірі көлемдегі алаяқтық жасады деп айыптап, 5 жылға бас бостандығынан айыру және 5,8 миллиард теңгені мемлекет пайдасына тәркілеу жөнінде үкім шығарды.

Жаза мерзіміне оның қамауда болған уақыты есептелді, нақтырақ айтқанда, 2023 жылдың 10 мамырынан бастап бір күн бір жарым күн ретінде орташа қауіпсіздік мекемесінде есепке алынған.

Белгіленген 5 жылдық мерзімнің ішінде ол 2 жыл 9 айын қамауда өткізген.

Оқи отырыңыз:

• Антикор «Атамекеннің» экс-басшысы Мырзахметовке қатысты мәлімдеме жасады
• Сотталған Ұлттық палатаның төрағасы Мырзахметов колонияда қап тігіп жүр