Президент Ұлытау облысының жаңа әкіміне өңірдің тұрмыс сапасын жақсартуды тапсырды

Мемлекет басшысы Ұлытау облысының жаңа әкімі Есет Байкенді қабылдады, деп хабарлайды Orda.kz.       
 

Президентке Ұлытау облысының әлеуметтік-экономикалық даму барысы және алдағы кезеңге арналған жоспарлар жөнінде баяндалды.

Қасым-Жомарт Тоқаевқа өңірдегі инфрақұрылымды дамыту, инвестиция тарту, өнеркәсіп әлеуетін көтеру, инженерлік желілерді жаңғырту және тұрғындарға сапалы әлеуметтік қызмет көрсету жұмыстары туралы мәлімет берілді. 

Сондай-ақ басым жобаларды жүзеге асыру жөнінде ұсыныстар айтылды. 
 
Кездесу соңында Мемлекет басшысы облыстың орнықты дамуын қамтамасыз етуге, өңірдің инвестициялық тартымдылығын арттыруға және азаматтардың тұрмыс сапасын жақсартуға бағытталған бірқатар тапсырма берді.

Еске салсақ, жақында мемлекет басшысының Жарлығымен Дастан Рыспеков Ұлытау облысының әкімі лауазымынан босатылған болатын. Оның орнына Есет Байкен Ұлытау облысының әкімі лауазымына тағайындалды. Бұл кадрлық өзгеріс өңірдегі басқару жүйесін жаңғырту және әлеуметтік-экономикалық дамуды жандандыру мақсатында жүзеге асырылып отырғаны айтылды.

Оқи отырыңыз:

• Дастан Рыспеков Ұлытау облысы әкімі қызметінен кетті
• Есет Байкен Ұлытау облысына әкім болып тағайындалды
• Ұлытау облысында ауыл шаруашылығы басқармасының экс-басшысы Антикор назарына ілікті