Ұлыбритания премьер-министрі Риши Сунак Израильге келді

Ұлыбритания премьер-министрі Риши Сунак Израильге ресми сапармен келді.

Ол ел билігімен Таяу Шығыстағы шиеленіскен саяси жағдайды талқылайды.

Сапар барысында Риши Сунак Израиль премьер-министрі Биньямин Нетаньяхумен және президент Исаак Герцогпен кездеседі. Осыдан кейін ол аймақтың басқа елдеріне де баруды жоспарлап отыр.

Сапар алдында Ұлыбритания премьер-министрі ХАМАС-тың Израильге жасаған шабуылы салдарынан Израиль мен Газа секторында бейбіт тұрғындардың қаза болуына байланысты көңіл айтқанын жеткізді. Ол сондай-ақ аймақтағы қақтығыстың одан әрі өршуіне жол бермеуге шақырды.

«Әрбір бейбіт тұрғынның өлімі - қайғылы оқиға. Және ХАМАС-тың жан түршігерлік лаңкестік әрекетінен тым көп адам қаза тапты»,- деді Риши Сунак.