Алматының Төле би көшесінде жантүршігерлік жол апаты болды

Алматының Төле би көшесінде ауыр жол-көлік оқиғасы болды. KIA маркалы автокөліктің жүргізушісі жол өткелі тірегіне соғылып, салдарынан көлік аударылып кеткен, деп хабарлайды Orda.kz Алматы қалалық полиция департаментіне сілтеме жасап.

Полицияның мәліметінше, жол апаты Әуезов ауданындағы Төле би көшесінде болған.

«Алдын ала деректер бойынша, батыс бағытта келе жатқан KIA автокөлігінің жүргізушісі Яссауи көшесінен өткеннен кейін, жол жөндеу жұмыстары жүргізіліп жатқан учаскеде көлігін басқара алмай қалған. Көлік салынып жатқан жол өткелінің тірегіне соғылып, кейін аударылған» деп жазылған хабарламада.  

Апат салдарынан жүргізуші ауыр жарақат алып, қаладағы ауруханалардың біріне жеткізілді. Сондай-ақ көлікте болған жолаушы әйелге де медициналық көмек қажет болған.

Полиция өкілдері жол апатының ықтимал себептерінің бірі ретінде қауіпсіз жылдамдықты сақтамауды қарастырып отыр. Алайда оқиғаның нақты себептері мен мән-жайы тергеу барысында анықталатын болады.

Құқық қорғау органдары жүргізушілерге жол жөндеу жұмыстары жүргізіліп жатқан аумақтарда аса мұқият болып, жылдамдық режимін қатаң сақтауды және жол жағдайын ескеруді ескертті.

Оқи отырыңыз:

• Қарағандыда екі «әлеуметтік қызметкер» 94 жастағы кейуананың миллион теңгесін үптеп кеткен
• Тоқаев Трампты АҚШ тәуелсіздігінің 250 жылдығымен құттықтады