Қытай көліктері қымбаттады: ZEEKR құны Cadillac және Lincoln-мен бірдей болды

Шетелден автокөлікті өз бетінше әкелуді жоспарлаған қазақстандықтар қосымша шығынға тап болуы мүмкін. Себебі автокөліктерді импорттау кезіндегі жиынтық кедендік төлемдер шамамен 33,4 %-дан 48 %-ға дейін өсуі ықтимал, деп хабарлайды Orda.kz.

Бұл туралы Finratings нарық қатысушылары мәлімдеді. Әзірге бұл өзгерістерге қатысты ресми растау жоқ. Дегенмен тақырып импорттаушылар мен сатып алушылар арасында кең талқыланып жатыр.

Қазақстан бұған дейін қытай автокөліктерін ең көп сатып алатын әлемдегі он елдің қатарына кіргенін ескерсек, бұл жағдайдың өзекті екні рас.

Мақала авторларының айтуынша, талқылауға автокөлік импорттаумен айналысатын компания өкілдерінің мәлімдемелері түрткі болған. Болжам бойынша, өзгерістер бензинмен жүретін көліктер мен параллель гибридтерге қатысты. Ал электр көліктер мен тізбекті гибридтерге әсер ете ме — бұл жағы әзірге белгісіз.

Айта кету керек, әңгіме жаңа баж салығын енгізу туралы емес. Егер ұсынылып отырған өзгерістер күшіне енсе, негізгі салдар импортталатын көліктердің соңғы бағасының қымбаттауы болмақ. Бағаның өсуі тек модельге ғана емес, оның құнына да байланысты болады. Көлік неғұрлым қымбат болса, қосымша төлемдер де соғұрлым жоғары.

Ал бағасы жоғары санаттағы көліктер үшін қосымша шығындар нарық қатысушыларының бағалауынша 2–5 млн теңгеге дейін жетуі мүмкін.

Сонымен қатар, мемлекеттік органдар автокөліктерді импорттау кезіндегі жиынтық кедендік төлемдердің өзгеретіні туралы ресми құжаттарды жариялаған жоқ. Сондықтан шығындардың өсуі туралы мәлімдемелер әзірге тек нарық қатысушыларының ақпаратына негізделген және ресми түрде расталуы қажет.

Бұрын қытайлық автомобильдер қолжетімді бағамен сатылатын. Бірақ қазіргілері еуропалық және американдық көліктермен шамалас. Сатушылар арасында жетекші орынға ие болған қытайлық дилерлер жыл соңына қарай машиналардың құнын тағы 15-20 пайызға көтереді деп болжанып отыр.

Болашақта пайдалану мәселелері отандық нарыққа кірген көптеген қытайлық көліктерді 3-5 жылдан кейін пайдалану жағы қалай болатынын болжау өте қиын. 

Оқи отырыңыз:

• Қазақстанға шетелден қанша көлік келді?
• Қарашаның ақшасына алынған «хан» сыйлығы: Алматы облысы әкімдігіне люкс джиптер қайдан келді?
• Теңселген теңгеге теңгерім бар ма: Доллар жақында 600-ден сатылады